کونگیل کوزگوسی

سیندن اوزاق له نیش اوچون
بوتون گرچک لردن قاچتیم
کوزیمنی حتی کوزگوگه بیریکتیم
اما ایچیم ده کی میندن قاچه آلمه دیم
او سین سیزلیک نی
قییرده بارسه
اوزی بیلن تاشیدی

کیم دیگن توز حرمتی نی کیم دیگن بار یخشیلیک

آغریمس کونگلیم دیسنگ گر قیلمه زنهار یخشیلیک

مین اگر سیوسم سینی ٫یا سیومه سم نی فرقی بار؟

اوزگه نینگ قولیده بولگن٫ اوزگه گل نی نه ایله یین

مینگه سوزلشماق نی حاجت٫ توقمه ایرتک گه نی بار؟

باشقه سیگه باغله گن سن٫ اوزگه دل نی نه ایله یین

    *  *       *  *       *  *

سینگه تا پروانه بولدیم٫ کویدیریب قویدینگ منی

باش کوترماققه اوریندیم٫ بوکتیریب قویدینگ منی

بیر قناتیم نی ایمس بلکه بوتون بارلیق لریم

تویغو لرنی باسیب اوتینگ٫ بوزدیریب قویدینگ منی

قیقیر قیقیر یورکدن کولیشینگ قنچه گوزل

تورکچه قیلیب ایتکن ده، سن باشکه سین سن اوزل۱

قولاقلریم سیسینگ نی اوزاق لردن سیزه دی

یورک بغریم نی جانیم ایسیق لیگی ایزه دی

کوکلم بولیب آچرسن قیزیل گوللر ایچیمده

بیزه تیب قویگین مینی تورلی تورلی بیچیمده۲

ایسلب تورگین آره ده بولمسه مین سوله من

اوزاق لیک فیرتینه۳ دیر بوران بوران بوله من

۱. سین باشقه سن سین خاص سن

۲. فرقلی فرقلی تور لرده

۳. رعد و برق

ساچلریم دن یولدوز تیریشلر

آی نی قولاغیم گه سیرغه قیلیش لر یالغان

یاشلریم دن اینجو بیزه تیب

بوینیم ده مینچاغ مینچاغ تاقیش لر یالغان

لب لریم دن قیزیل گللرنی تیریب

یشیل میسه لربیلن سولیب کیتیش لر یالغان

کیچیر مینی عزیزیم

ایشانچیم یوقتور سینگه

مین یشه دیم حیاتنی

سیوگی دیگنلر یالغان

سین گپیرمه سنگ هم

کیپریک لرینگ نینگ اوچیده

قلتیره ب تورگن بیر تامچی

ایچینگ ده بولگن بوران نی

کورسه ته دی

او تیتره گن لب لرنینگ جیم لیگیده

دینگیز دینگیز ایقیریش نینگ ایزی بار

سینینگ عیب ینگ شور پیشانه لیگینگ ایمس

شورلیک نی اوز بغرینگه یره تیب اوستیرگنینگ گه دیر

اخیر بالته

یاغاچ نینگ اوزیدن توزه له دی کو

حیات دن چرچه گه نینگ ده

باشینگنی کوکرگیمده قوی

و کوزلریم نینگ تیبیده باقیب

بوتون کورگن قیینچیلیک لرینگنی اونوت

ییریوزی میده لیک قیلیب آدم لردن بیقگه نینگ ده

یورگیم نینگ کیینگ دنیاسیده کیل

مینی یورگیم شونچه لیک کتته کی

بوتون تویغولرینگ و قیغولرینگ بیلن اونگه سیغه آله سن

مین سینگه

کوکده قویاش

ییرده سو

و یورکده سیوگی بوله من

بولوت لر ایلکم ده

آغیرلیک قیلگنده

باشیمنی کوتاریب

قویاشیم نی ایزلیمن

مینی قویاشیم

کیچه ده ایمس ،کوندوز ده ایمس

فقط گینه توشلرده

چیقیشی ممکن

او شونچه لیک گوزل کی

کیپریک لریمنی باغلب

کوزلریم نینگ تیبیده یشینتیرماغچین بوله من

ایلکم ده بولوت لرنینگ آغیرلیگینی تاشیسم هم

قویاشیم نی یورگیم ده و تویغو لریم ده

یشه ته من

قیش نینگ کیلیشی

بیر گینه

اوییم  قرشی سیده تورگن

یکه یاغاچ نینگ نوده لری نی ایمس

بلکه ایچیم ده کوکرگن

یکه لیک تویغولری نی هم بوزلتگن

آق کیلینلیگ کویله گی

تاغلرنینگ هم بوینیده

آغیرلیک قیلگن

میندیک کوزلر اویقوده

بغری تاش گه ایلنگن

ایتگیم دن توکیلر بیر قوده یولدوز بو کیچه

مین اوچون یازگللری آچگن٫ بوتون کوزبوکیچه

تامیریم ده ینگره گن کویلر نوالر لر سیسی بار

سیره گن قوشیق تویولگی ٫عادی بیر سوز بو کیچه

ایلنیب بیر قوش بولیب یانینگده اوچسم جانگینم

او چیرایلی باقیشینگدن اوزمه سم کوز بو کیچه

مینی سیوگن سیوگیلیم دن ینگیلیک لر هیدی بار 

کیم دیگن قیش کیله دی دیب؟ مینگه نوروز بو کیچه